TOMÁS MAC ANNA
1925
- 2011
Rugadh Tomás Mac Anna (nó Thomas F McCann mar a baisteadh air) i nDún Dealgan agus bhí sé an-ghníomhach i ndrámaíocht pobail ó bhí sé ina fhear óg. Bhí sé ag scríobh drámaí raidió i nGaeilge agus i mBéarla do RTÉ agus an BBC. Tairgíodh post dó mar Léiritheoir Gaeilge in Amharclann na Mainistreach i 1947, agus bhain sé cáil amach freisin mar dhearthóir seite ansin ó 1965. Ceapadh mar Stiúrthóir Ealaíne sa Mhainistir é i 1966, agus mar bhall den bhord bainistíochta ó 1972. Rinneadh Stiúrthóir Oinigh é in Amharclann na Mainistreach níos déanaí. Léirigh sé drámaí ar fud na hEorpa, i gCeanada agus i Meiriceá; bhain sé an Tony Award don dráma 'Borstal Boy' in 1970.