Compántais

Compántas Chorcaí

Cur Síos

Compántas Chorcaí (1953—). Ba iad Dónall Ó Donnabháin (Dan Donovan) is Seán Ó Tuama ba mhó a bhí páirteach i mbunú Chompántas Chorcaí. An chéad léiriú oifigiúil a bhí aige ná an t-aistriúchán, An Sgáth agus an Amhmhaoin le Mícheál d’Andún (Shadow and Substance le Paul Vincent Carroll) a cuireadh ar siúl sa Mhainistir Thuaidh i gCorcaigh, 18 Nollaig 1953. Ach ba iad bundrámaí Gaeilge Sheáin Uí Thuama a thabhaigh clú agus cáil do Chompántas Chorcaí ina dhiaidh sin. Ar feadh na mblianta, ba chuma nó eite Ghaeilge den Everyman Theatre agus den Everyman Playhouse (Everyman Palace Theatre anois) é Compántas Chorcaí. Ach ó dheireadh na 1970í i leith, is faoi choimirce an Chomhlachais Náisiúnta Drámaíochta, an scátheagraíocht le haghaidh ghluaiseacht dhrámaíocht na Gaeilge, is mó a chuireann Compántas Chorcaí a chuid drámaí ar siúl.

Teideal an Dráma	Drámadóir
Amphytron 38	Síle Ní Cheallaigh Jean Giraudoux Aistrithe ón bhFraincis.
An Doras Dúnta	Daniel Corkery Ba é seo an chéad dráma i nGaeilge a scríobh Corkery.
Ar Aghaidh Leat, A Longadáin	Seán Ó Tuama
Corp Eoghain Uí Shúilleabháin	Seán Ó Tuama
Déan Trócaire ar Shagairt Óga	Seán Ó Tuama
Is é seo m'Oileán	Seán Ó Tuama
Moloney	Seán Ó Tuama