DAOINE

JOE STEVE Ó NEACHTAIN

1942 -

Is scríbhneoir, aisteoir, drámadóir, agus craoltóir é Joe Steve Ó Neachtain. Léiríodh drámaí agus scripteanna leis ar Raidió na Gaeltachta agus ar RTÉ. Léiríodh a chuid drámaí stáitse den chéad uair sa Taibhdhearc. Bronnadh Gradam Jacobs ar a shaothar sraithdhrámaíochta Baile an Droichid, a chraoltaí ar Raidió na Gaeltachta ó 1985 go 1995. Bronnadh gradam litríochta Chló Iar-Chonnachta ar Clochmhóin i 1998 agus ainmníodh an saothar céanna do Dhuais Litríochta The Irish Times i 1999. Bronnadh gradam litríochta Chló Iar-Chonnachta arís air don úrscéal Lámh Láidir in 2002.