Achoimre
Nuair a chailltear an bhaintreach Máire Bean Uí Mhurchadha, tagann beirt neachtanna santacha, ardnósacha lena fir céile abhaile ón iasacht agus iad cíocrach chun airgead na seanmhná a thógáil dóibh féin. Níl an bheirt leithleasacha seo ag súil leis an gcoinníoll atá leagtha amach dóibh san uacht, áfach: ní bhfaighidh ceachtar acu pingin ón eastáit mura dtéann siad amach ag damhsa sa sráidbhaile agus iad gléasta mar mhná tuaithe. Cúis náire í seo don bheirt neachtanna agus fógraíonn siad go h-ard nach bhfuil siad sásta a leithéid a dhéanamh. An lá dár gcionn, áfach -- Féile na Bealtaine, mar a tharlaíonn sé -- amach leis an mbeirt acu agus feisteas tuaithe orthu, ag damhsa agus ag argóint agus ag titim ar fud na háite. An coinníoll comhlánaithe acu, faigheann siad amach go tobann nach iad a gheobhaidh saibhreas Uí Mhurchadha in aon chor: tá an scéal tagtha gur iníon í Nóra Ní Néill, dílleachta óg ó chontae an Chláir, le deartháir caillte na baintrí. Ainmnítear Nóra mar fhíor-oidhre ar shaibhreas Uí Mhurchadha agus fágtar an bheirt col ceathar ina gceap magaidh.